Gipahimangnoan ni Northern Mindanao Police Regional Spokesperson Lieutenant Colonel Surki Sereñas ang publiko nga dili magsige’g post sa social media kung unsa man ang ilang mga plano karong Semana Santa.
Gibutyag sa opisyal nga active usab sa social media ang mga kriminal ug naniid lang kung kinsa ang mamahimong biktima.
Kinahanglan matud pang mahimong responsable sa paggamit sa social networking sites ug likayang mahatagan sa higayon ang mga kriminal nga makahimo sa bisan unsang klase sa krimen ilabina sa mga lugar nga daghang tawo.
Giaghat usab ni Sereñas ang publiko nga moreport sa Police Assistance Desk kung duna silay mabantayan nga kadudahan og lihok.
Facebook Comments
