Gipahayag sa Department of Social Welfare and Development kon DSWD Region 10 nga wala nay lauman nga madawat nga ayuda kadtong mga naka-fill up sa COVID-19 Intake Card kon CIC.
Sa interview sa RMN ngadto kang Charmaine Tadlas, ang information officer sa DSWD – Northern Mindanao gibutyag niini nga tumong unta sa CIC mao ang pagkuha og impormasyon sa mga potential eligible beneficiaries sa Social Amelioration Program nga wala maapil sa Listahanan database ug LGU.
Himoon unta kining basehanan aron maka-request ug dugang pondo aron mahatagan ug ayuda kadtong wala nakadawat sa SAP.
Matud ni Tadlas nga una nang gibutyag sa Office of the President nga dili na makadawat sa ikaduhang hugna sa SAP ang mga dapit nga anaa ilawom sa General COmmuniy Quarantine ug apil na ang rehiyon 10 niini nga gipailawom sa GCQ.
Dili ika-garantiya sa DSWD nga adunay malauman nga ayuda ang mga naka-fill up sa CIC.
