General Santos City—Posibling madungagan ang kaso sa usa ka pinireso nga si Alias Jomar nga taga Malapatan Sarangani Province human iyang gibunalan ug kahoy ang susama niining preso ug ang pulis nga igo lang miuwang kaniya dihang kini nag hurumentado sulod sa silda sa Malapatan PNP niadtong nakalabayng adlaw.
Nasayran nga samdan sa ulo sa pulis nga si PO2 Ariel Benatero nga nakabase sa Malapatan PNP human nga gibunalan sa suspek ug kahoy.
Sumala ni Police Inspector Dexon Medel, Deputy Chief Of Police sa Malapatan PNP nga nanghasi sulod sa silda ang suspek nga si Jomar kansa nag-atubang ug kasong Illegal Gambling, kung asa iyang gibunal-bunalan ang mga kaubanan niining priso. Dihang giuwang kini sa pulis sa sulod sa silda ang pulis naman hinuon ang iyang gibunalan.
Dugang pagbutyag ni PI Medel nga posibling aborido na ang utok sa suspek gumikan sumala pa sa pamilya niini aduna kini gihambin nga balatian.Gawas sa balatian niini napriso pa gyud kini tungod sa iligal nga sugal mao nga miinit ang iyang ulo.
Sa karon nagpabiling balhog ang suspek sa silda sa Malapatan PNP.
