Napatay ang isa ka French Police Officer nga nagbaylo sang iya kaugalingon para sa hostage sa Supermarket siege kahapon.
Napatay nga baganihan si Lt. Col. Amaud Beltrame, 45 anyos matapos nagpakita sang pinasahi nga kaisog suno kay French President Emmanuel Macron.
Ang pagbaylo ni Beltrame sang siya kaugalingon sa hostage nakabulig agud matapos ang pagpangluthang sang gun man nga nagpatay sa tatlo ka tawo sa Southern France.
Ang suspek nga isa ka radical Islamist ginkilala nga si Redouane Lakdim, 25 anyos ang napatay matapos luthangon sang pulis.
Sa nasambit nga insidente, 16 ka tawo ang napilasan, duha sa mga ini ang malubha nga napilasan.
Gintawag ni President Macron nga akto sang Islamist terrorism ang ginhimo ni Lakdim nga una nga naga-demand nga hilwayon si Salah Abdeslam, isa sa mga suspek sa November 13, 2015 Paris attack nga nagpatay sang 130 ka mga tawo.
Samtang isa ka tawo nga ginapatihan kaupod ni Lakdim ang naaresto angut sa nasambit nga pagpangluthang.
