BACOLOD CITY – Dakop sa follow-up operation ang isa ka lalaki nga nagkawat sa bag sang isa ka pulis sa Quantum, SM City Bacolod las 8 kagab-i.
Sa report sang Station 1, ginreport ni SPO1 Cherry Gimena, 40 anyos kag assigned sa Bacolod City Police Office nga may nagkuha sang iya nga bag nga may unod nga alahas, cellphone, powerbank kag mga importante nga mga IDs.
Sa rougue’s gallery sang Station 1 nakilala nya ang suspek kay Jimbo Agravante, 32 anyos sang Purok Punay, Barangay 16.
Natigayon nga marecover sa follow-up operation ang bag apang wala na ang mga assorted nga mga alahas sang pulis.
Sa body search nakuhaan pa si Agravante sang pin gun kag may tatlo ka bala sang .45 kalibre nga pistola.
Kaso nga theft kag paglapas sa RA 10591 ang ipasaka kay Agravante.
