Ipahigayon na karong Miyerkules, Hunyo 20 sa Centrio Ayala Mall ning syudad ang Police Regional Office o PRO 10 Pulis Natin Caravan.
Matud ni PRO 10 Spokesperson Supt. Lemuel Gonda nga ang launching sa Pulis Natin Caravan usa ka programa ni Police Director General Oscar Albayalde, Chief sa Philippine National Police ug gipatuman ni Police Chief Supt. Timoteo Pacleb, Regional Director sa PRO 10.
Tumong sa Caravan nga madala ang tanang support services nga gihatag sa PNP ug makapaambit sa impormasyon bahin sa PNP services.
Lakip niini nga mga serbisyo mao ang mosunod:
1. Motor Vehicle Clearance and Verification
2. Processing of License to Own and Possess Firearms,
3. Free Legal Advice,
4. Supervisory Office of the Security and Investigation Agencies,
5. Recruitment sa PNP personnel,
6. Cyber Crime Concerns,
7. Women’s and Children’s Concern,
8. Human Rights Concerns,
9. PNP Retirement Benefits Issues and Concerns,
10. Medical and Dental Services
11. Crime Laboratory Services
Himoon usab atol sa Caravan ang launching sa Police Quick Response Action Center ug Coalition of Force Multipliers and Advocacy Support.
