General Santos City—nakabsan na gyud sa iyang kinabuhi ang pulis nga gipusil saw ala mailhing suspetsado karong hapon lang sa may Crossing Basak, Barangay Polonuling, Tupi South Cotabato.
Nasayran nga nakaangkon ug mukabat 13 ka mga samad sa nagkandaiyang parti sa kalawasan ang naangkon sa biktimang si PO2 Charlie Liva nga nakabase sa Operation Section sa Surallah Municipal Police Station.
kahibaluan nga gikan ang nasnagpit nga biktima sa Surallah padulong unta sa Police Regional Office 12 apan pag abot sa nasangpit nga lugar kini gipusil sa wala mailhing suspetsado.
Gidala pa sa Tupi Municipal Hospital ang nasangpit apan gideklara kining dead on arrival.
Sumala ni Police Chief Inspector Jardimond Sibal, Hepe sa Surallah Municipal Police Station nga wala man syay nasayran nga may bahad sa kinabuhi si PO2 Liva, wala usab kini nakalaban.
Usa sa mga gitan-aw nga anggulo si PCI Sibal sa pagpatay sa iyang sakop mao ang trabaho. Nasayran nga nagpapirma pa ug mga dukumento ang biktima kang PCI Sibal kaganinang buntag para unta sa iyang promotion apan pagkahapon dihang dad-on na unta niya kini sa Police Regional Office-12 gipusil na nuon kini sa wala mailhing suspek.
Sa karon padayon ang gihimong imbistigasyon sa kapulisan kalabutan sa insidenti.
