Pagadian City – Gi-imbestigahan na karon sa kadumalahan sa Police Regional Office 9 ang reklamo batok sa usa ka pulis nga nadestino sa syudad sa Pagadian nga nanumbag ug nanlaparo og usa ka mananagat.
Naa-abot na sa dalunggan sa PRO-9 ang reklamo sa usa mananagat batok kang Police Chief Master Sergeant Berjoe Tianok nga nadestino sa 903rd Maritime Police Station- Pagadian City dihang nagpalaban sa RMN-DXPR Pagadian ang usa ka mananagat.
Gisumbong sa mananagat ang iyang pait nga gidangatan sa mga kamot ni Tianok dihang gipasulod kini sa opisina ug gitamparos ug gibira-bira pa ang dalungan.
Base sa medico legal nga gihuptan sa 52-anyos nga mananagat nga taga Dumagoc ning syudad maalim ang iyang bun-og sa nawong sulod sa tulo ngadto sa lima ka adlaw.
Disedido usab ang biktima nga masang-at og reklamo batok sa pulis.
Gipasalig na sa PRO-9 nga mamahimo silang patas sa imbestigasyon isip kabahin sa enternal Cleansing sa PNP.
