General Santos City—Gidepensahan ni Police Chief Inspector Neil Wadingan, tigpamaba sa Saranagni Police Office ang pulis nga sakop sa Glan Municipal Police Station nga si Po1 Ryan Basalo kansa gialigaran sa usa ka Jerme Calatao nga nangulata ngadto kaniya niadtong nakalabayng adlaw.
Sumala ni PCI Wadingan nga igo rang nituman sa iyang tahas si Po1 Basalo pinaagi sa pagsita sa reklamante tungod open pipe ang motorsiklo niini.
Apan inay mupatuo sa mga pulis ang reklamante nahimo na nuon kining arogante sa mga pulis. Nasayran nga gisita sa tropa ni Basalo si Calatao sa National Highway sakop sa Glan, gumikan sa tambutso sa iyang motorsiklo nga open pipe kansa gibawal sa lungsod sa Glan.
Dugang pagbutyag ni Wadingan nga nagdumili nga magpadakop ang reklamante sa kapulisan luyo paman sa kalapasan sa ordinansyang pagbawal sa open pipe nga motorsiklo sa lungsod. Tungod niini pugsanon kining gidakop sa kapulisan nga miresulta pa sa pagsibat sa reklamante, apan siya nasikop human nakorner.
