General Santos City— nagpabilin pa nga anaa sa talandugong kahimtang ang pulis kansa una nang nabangga sa pader sa Camp Fermin Lira niadtong nakalabayng adlaw.
Kasamtangang anaa gihapon sa Intensive Care Unit sa Mindanao Medical Center ang biktimang si Po1 Aldrin Marin, 31, nakabase sa Mobile Patrol Unit (MPU) sa Camp Fermin Lira.
Kahinumduman nga samtang gimanihuan sa nasangpit nga biktima ang iyang motorsiklo pabalik na unta sa sulod sa Camp Lira, aksidenti kining nabangga sa pader nga miresulta sa paglagpot niini.
Gumikan sa kusog nga impact, nagbaton ang nahisgutan ug grabeng samad sa iyang kalawasan. Daling gidala ang nahisgutan sa Mindanao Medical Center human sa insidenti.
Facebook Comments
