General Santos City— Wala nagkasinabtanay silang PO3 Romiejyn Alterado ug SPO1 Lorenzo Framil nga misangko ngadto sa pagpabuto ug armas. Kini ang gibutyag ni Police Chief Inspector Basher Alindo, hepe sa Police Station 5.
Sumala niya nga nag-ugat ang maong panaglalis dihang gihatagan ug memo si SPO1 Framil gumikan sa wala pagtambong sa usa ka aktibidad. Sa karon matud pa, ginapahigayonan na ug imbestigasyon sa maong insidente human nga nagpabuto si SPO1 Framil gamit ang iyahang service firearms.
Dugang pamahayag ni PCI Alindo nga boluntaryong gisurender ni SPO1 Framil sa supply department ang iyahang service firearms. Samtang gi-relib na kini sa Police Station 5 ug gi-re-assign na sa City Police Holding Area Unit samtang nagapadayon ang imbestigasyon.
Nakatakda man usab kining mag-atubang ug kasong administratibo samtang gumikan sa maong insidente samtang ang kasong kriminal ang magdepende kang PO3 alterado kung mupasang-at batok kang SPO1 Framil.
