General Santos City—nahagbong sa regular filing ang pagpasang-at ug kaso batok ngadto sa pulis nga si Po3 Gil Malayo, nakabase sa South Cotabato Police Office (scpo) ug residenti, Silway 8 Polomolok.
Si malayo maoy suspek sa pagpusil sa iyang kabaro nga si PO2 Kervie Sagabay, hingkod ang panuigon ug residenti sa samang barangay, nakabase Sa Regional Public Safety Batallion (RPSB).
Sumala ni Police Sr. Insector Hernan Gabat Deputy Chief Of Police sa Polomolok PNP nga sa kasamtangan restricted na sa South Cotabato Provincial Police Office ang nasangpit nga suspek human sa krimen nga nahimo.
Nasayran nga aduna nay daang bangi ang biktima ug ang suspek ug dihang nagtagbo ang ilang mga dalan didto na nagpinusilay ug ang biktimang si sagabay maoy naigo kansa pabilin karon sa ospital.
