General Santos City—Suspenso na og napulo ka adlaw ang pulis nga gireklamong nanuok sa uyab sulod sa usa ka pribadong tulunghaan sa General Santos City.
Subay sa nahagpat nga report sa RMN giila ang pulis nga si P01 Charlie Capaque, nga nakadistino sa General Santos City Police Office Camp Fermin Lira. Matud pa ni Police Senior Supt. Ruel Berango, OIC City PNP Director sa Gensan Police Command nga gipakanaog na niini ang suspension order batok kang Capaque.
Dugang pa ni CD Berango nga angayang mahatagan matud pa og liksiyon ang maong pulis ingon man ang mga sakop nga nakahimo og dili maayu nga nagpakita usab og dili maayung pamatasan.
Kahibaluan nga gireklamo si P01 Capaque, sa uyab og mismong ang tag-iya sa usa ka kolihiyo nga nahimutang sa Barangay Lagao Gensan human nga gisulod sa maong pulis og didto gituok ang uyab human makuha ang cellphone niini.
Gi dugang pa ni CD Berango nga una pa man niini gipakaog ang desisyon sa pagsuspenso kang P01 Capaque may gihimo ng mas lawom nga imbestigasyon ang iyahang buhatan aron masigurong sad-an o dili ang gireklamong myembro sa kapulisan. (Emir Briquit)
