Davao City – Gikunsiderang high value target sa kapulisan ang kauban nila sa hanay nga nadakpan sa buy bust operation.
Kini ang giingon ni PCSUPT Marcelo Morales, Police Regional Office kun PRO XI regional director atol sa gihimong presser karong hapon sa ilang buhatan uban sila Davao City Police Office kun DCPO PSSUPT Alexander Tagum ug Talomo PNP chief Ronald Lao.
Sumala niya nga tungod sakop sa kapulisan ang nadakpang si PO1 Queubin Cris John Coyno Ferido, 30 anyos, gikunsidera na kining high value target.
Dugang ingon sa director nga atol sa aplikasyon ni PO1 Querubin sa PNP, wala matud pa kini nagagamit og iligal nga droga apan nasayran nga nagagamit kini atol sa kolehiyo.
Kahinumduman nga naaresto ang nasangpit nga pulis ganinang buntag nga sakop sa PRO XI ug nakuha kaniya ang gituohang pakete sa shabu.
Pasakahan ang pulis og kasong adunay kalapasan sa RA 9165 kun Comprehensive Dangerous Drugs Act of 2002.
Samtang nagbahad karon ang kadagkuan sa kapulisan ngadto sa ilang mga ginsakpan nga likayan ang pagkalambigit sa iligal nga droga tungod dili sila magpanuko sa pagpakgang niini ilabi na dinhi sa Rehiyon XI.
RadyoMaN Renz Barbarona
