Pulis nga taga-banwa sang Jamindan nga assigned sa Escalante City, Negros Occidental, patay na sang nasapwan sang mga kaupdanan sa sulod sang ila detachment!

320

Negros Occidental- Patay ang 26-anyos nga katapo sang PNP matapos makit-an ang bangkay sini alas 4:20 sang hapon sa sulod sang ila detachment sa 1st Provincial Force Mobile Company nga nahamtang sa Brgy. Mabini, Escalante City, Negros Occidental.
Ginkilala ang biktima kay Patrolman Richard Villasis y Villas nga taga- Brgy. Jaena Norte, Jamindan, Capiz kun sa diin ini ang nag-angkon sa pilas sa natuo nga dughan lapos sa iya likod.
Narekober naman sang mga kapulisan ang armasluthang nga ginapahayag gingamit sini lakip na ang empty shell sang caliber .45 pistol.
Suno sa hepe sang Escalante City PNP nga si Police Lt Col Necerato Sabando Jr, ginapatigayon pa ang maid-id nga imbestigasyon sa krimen kun ayhan may yara sang foul play sa kamatayon sang biktima ukon hungod ini nga nagsuicide.

Facebook Comments

From Advertisers