MANJUYOD, NEGROS ORIENTAL – Isa ang patay, kag isa ang pilason sa insedente nga natabu kahapon sang aga sa tunga sang isa ka pulis batok sa apat ka miembro sang SPARU sang NPA.
Natabu ang insidente pasado alas-9 kahapon sang aga area sang Tabu-an Market, Barangay Bantolinao, banwa sang Manjuyod, Negros Oriental.
Sa report sang Negros Oriental Provincial Police Office, nga manugsakay na kuntani si Master Sergeant – Humprey Teves sa iya motorsiklo, sang ginpalipatan ini sang apat ka mga lalaki kag tuyo nga tiruhon.
Apang, preparado naman ang pulis kag nagbato sa mga suspek sa diin iya natiruhan ang duwa ka mga suspek, isa diri ang napatay samtang ang isa ang naigu-an sa iya nga paa.
Suno naman sa intel report sang Phippine Army, ang apat ka mga suspek nga tuyo magpatay sa kay Master Sergeant Teves , ang mga katapo sang NPA.
Samtang, ang napatay nga ginapatihan katapo sang rebelde nga wala pa na-identify bangud nga wala ini sang dala nga ID./YVES MONTECILLO
