*Kiamba, Sarangani Province— Patay ang usa ka police kiamba human kining gi-ilugan ug pusil samtang anaa sa lamay sa Brgy. Pobalcion Kiamba alas 3 pasado ang takna sa kadlawon.*
*Sumala kang Police Lt. Col. Teody Condesa, tigpamaba sa Sarangani Provincial Police Office nga subay sa gihimong imbestigayson, anaa sa lugar ang biktimang si Police Sgt. Manny Rebueno aron sa pagpahigayon ug monitoring sa mga posibleng wanted nga anaa sa lugar.*
*Anaa man usab sa lugar ang suspek nga nailang si Dennis Petargue nga residente sa Brgy. Poblacion ug usa ka barangay tanod ug kalit nga giilog ang pusil sa biktima ug dayon gipusil makadaghang higayon.*
*Dugang pamahayag ni Condesa nga sa karon wala pa nasayran kung adunay karaang bangi ang biktima ug ang suspek apan lango matud pa sa limnoing makahubog si Petargue.*
*Igo pinusilan sa dughan, kamot, hita ug tuong bahin sa kilid ang biktima nga gidala pa sa balay tambalanan apan gideklarng dead on arrival.*
*Narekober sa crime scene ang lima ka empty shell sa kalibre 9mm nga gikan sa issued firearms sa biktima kung asa paspas nga misibat ang suspek palayo sa lugar.*
*Nadakpan matud pa ang nasangpit nga suspek human nga boluntaryo kining misurender sa municipal mayor sa Kiamba samtang gipahigayon ang pursuit operation kung asa lakip nga narekober mao ang pusil sa pulis.*
*Sa kasamtangang nagapadayon pa ang ginahimong imbestigasyon ngadto sa maong insidnte aron masayran kung unsay motibo sa suspek s apagpatay sa biktimang pulis.*
*Kung asa anaa na sa kustudiya sa Kiamba Municipal Police Station ang suspetsado ug takda na kining pasakaan ug tukmang kaso.*
