Pulis sa Caraga nagka COVID 16 na

Mokabat sa 16 ang ‘cumulative’ nga kaso sa COVID 19 sa mga Pulis nga natala sa Police Regional Office 13 diin 15 niini ang uniform personnel samtang 1 ang Non Uniform Personnel (NUP) basi sa kompirmasyon ni spokesman PMaj. Renel Serrano.
Sa interview sa RMN DXBC Butuan gibutyag ni PMaj. Serrano nga usa niini ang adunay gibating ‘mild symptoms’ samtang ang ubang mga Pulis pulos mga asymptomatic apan silang tanan ang gipahimutang na sa mga Quarantine Facilities.
Nakuha sa mga Pulis ang virus diha sa mga quarantine control points isip mga front liners kauban sa ubang mga personahi sa Department of Health (DOH).
Bisan pa niini, dili mohonong ang kwerpo sa kapulisan sa pagtuman sa tahas isip mga front liners taliwala sa pagharung sa dili Makita nga kaaway.
Dugang pa sa opisyal nga nakaandam na usab ang laing pwersa sa kapulisan nga morelibo sa ilang mga kabaru diha sa quarantine control points.

Facebook Comments