Gisaka’ sa mga armadong lalaki ang panimalay sa usa ka pulis ug gipusil patay ang biktima didto sa Santiago, Agusan del Norte bandang alas 8:30 ang takna kagabie.
Giila ang biktima nga si SPO3 Reil Morgado, police investigator sa Santiago Municipal Police Station.
Sa police report gikataho nga Sparu unit sa NPA ang gitumbok nga responsable sa paglikidar kang Morgado.
Plano gayud matud pa nga kuhaon ang maong police.
Nakaangkon ug daghang samad pinusilan ang biktima sa dihang gisaka ang iyang balay ug gipusil kini sa wala maila nga mga suspek kinsa nagsakay lamang ug habal-habal.
Padayong giimbistigahan sa Santiago Municipal Police Station ang nasangpit nga krimen aron mailhan ug mapasakaan ug kaso ang duha ka mamumuno.
Wala pa’y lead usab ang kapulisan kung unsay motibo sa pagpatay sa biktima.
Sent from my Samsung Galaxy smartphone.
