BACOLOD CITY – Nagpadala na ang Police Station 2 sang dugang nga police personnel sa Hall of Justice agud nga amo ang magserbe security guards matapos nga nag expire na ang kontrata sang ila security agency.
Ginpahayag ni Station 2 commander C/Insp. Benedicto Villarias nga sa karon may apat ka mga police ang gindeploy sa Hall of Justice kag ginapaabot ang dugang nga augmentation halin mismo sa Bacolod City Police Office.
Nahibaluan nga ginsiling sang Supreme Court nga magalawig pa sang tatlo ka bulan antes sila makapangita sang bag-o nga security agency nga magabantay sa Hall of Justice.
Ini nga problema nagakatabo indi lamang diri sa Bacolod kundi subong man sa Hall of Justice sang Dumaguete City sa Negros Oriental.
Facebook Comments
