General Santos City—Sikop sa entrapment operation sa operatiba sa Regional Police Drug Enforcement Unit-12 (RPDEU 12), Counter Intelligence Task Force (CITF), Regional Public Safety Battalion-12, Koronadal City Police Office ug uban pang Unit sa kapulisan sa pakig alayon sa PDEA 12 ang usa ka police ug usa pa ka kaubanan niiniing lambigit sa iligal nga druga sa area sa Osmeña St., Barangay Zone 1, Koronadal City alas 2:30 ang takna sa buntag.
Suspek nga police nailhang si PO1 Romar Piolo y Magalino, 30, minyo, PNP Member ug nakabase sa Regional Public Safety Batallion ug kaubanan niining si Jherson Piolo y David, 27, pulos residenti sa Gomez St. Purok Zone 1, Barangay Libertad, Surallah, South Cotabato human napalitan ug (1) ka sachet sa gituohang shabu, gamit ang P300.00.
Sa kinatibuk an anaa sa mukabat P6,000.00 nga kantidad sa Shabu ang narekober sa otoridad batok sa suspek.
Sumala ni Police Supt. Maximo Sebastian, Hepe sa RPDEU 12 nga dugay na nilang gimonitor ang nahisgutang police gumikan sa mga report nga lambigit kini sa iligal nga druga.
Kasong paglapas sa sec. 5, Art. II sa RA 9165 (Comprehensive Dangerous Drugs Act of 2000) ang gipasang at nga kaso sa kapulisan batok sa nahisgutang mga suspetsado.
Rmn Gensan, Rose Sioco, Bryan Oñate, Inah Daven, PRO-12, Pdea Gensan, Ifm
