Pulitika 101

25

Davao City – Una kita mutikang sa hingpit sa tuig 2019 ug una kita mag-move sa mga good news o bad news, atoang balikan ang mala-circus nga mga istoryang nitatak sa natad sa pulitika sa Pilipinas sa tuig 2018.

CJ SERENO’S OUSTER

Mayo 11 ning tuiga, ang pinaka-unang babae ug pinakabatang Chief Justice nga si Maria Lourdes Sereno nga gikatakdang muretiro pa unta sa 2030 maoy una usab nga punong mahistrado nga nataktak human nga gipapahawa sa iyahang kaugalingong mga kaubang mahistrado pinaagi sa usa ka desisyon sa quo warranto petition sa botong 8-6.

ARROYO IN, ALVAREZ OUT

Samtang kung adunay nataktak sa pwesto, aduna usay unexpected power shift sa pulitika sa nasud human nga si kanhi Presidente ug karon Pampanga 1st District Representative Gloria Macapagal-Arroyo opisyal nga napili isip bag-ong House Speaker una pa man ni-deliver si Pres. Rodrigo Duterte ang State of the Nation Address kun SONA niini niadtong July 23, 2018.

Sa pagpili sa 284 ka mga sakop sa Camara BaJa kang Arroyo diin 12 ang nag-abstain, awtomatiko usab nga napapahawa si Davao Del Norte Representative Pantaleon Alvarez sa maong posisyon.

ICC vs PRRD

Dili gihapon kita maka-move on sa nagpadayong PRRD ug ICC serye sa kontrobersyal nga war on drugs ug pasangil nga Extra Judicial Killings kun EJK.

Bulan sa Mayo, gi-anunsyo sa pamuno-nasud ang pag-withdraw sa Pilipinas sa ratipikasyon sa Rome Statute nga nimugna sa International Criminal Court.

Gibirahan ni Duterte ang Hague-based ICC gumikan sa imbestigasyon sa ICC sa kampanya kontra iligal nga droga diin gibarugan ni Duterte nga dili maundang ang programa kontra droga gumikan lamang sa nabatonan niini nga pagsita ug oposisyon.

Niadtong bulan sa Agosto, laing reklamo ang gipasang-at batok sa pangulo ngadto sa ICC sa mga rights group ug pito ka pamilya sa mga namatay sa war on drugs uban ang National Union of Peoples Lawyers.

Kahinumduman nga ang unang ICC complaint gi-file ni Atty Jude Sabio kinsa abogado ni Edgar Matobato diin ni-file usab og supplemental complaint sa maong kaso sila si Magdalo party-mates Rep. Gary Alejano ug Sen. Antonio Trillanes IV kinsa mga iladong kritiko sa pangulo.

PULONG vs TRILLANES

Samtang Setyembre 19, 2018 laing duha ka mga libel cases gisang-at ni kanhi Davao City Vice Mayor Paolo Duterte batok kang Trillanes subay sa pagduhig niini sa pangalan ni Pulong diha P6.4 shabu shipment nga gikan sa China nga nakalusot sa pagbantay sa Bureau of Customs niadtong 2017.

Niadtong Setyembre 7, nagpasang-at usab og kasong libel si Pulong ug bayaw niini nga si Atty. Manases Carpio kang Trillanes subay sa alegasyon sa naulahi sa interbyu sa Cebu nga matud pa, nangilkil ang magbayaw.

SEN. BONG REVILLA

Human sa halos lima ka tuig nga pagkapriso, naabswelto sa kasong plunder kalabot sa pork barrel scam si kanhi Sen. Bong Revilla niadtong Disyembre 6 apan anaa pa kiniy atubangon nga laing 16 ka mga kaso sa kurapsyon.

Samtang ang Chief-of-Staff ni Revilla nga si Atty. Richard Cambe ug pork barrel queen Janet Lim-Napoles gihukmang guilty kun sad-an.

2019 MIDTERM ELECTIONS

Mokabat sa 60 ka mga aspiring candidates ang niduso sa ilang mga Certificates of Candidacy kun CoCs dinhi sa syudad sa Davao aron magpapili sa 2019 Midterm Elections.

Base sa talaan, mupa re-elect si Davao City Mayor Inday Sara Duterte-Carpio pagka-alkalde diin running mate niini ang manghod nga si Sebastian ‘Baste’ Duterte samtang si ‘Pulong’ magpapili pagka representative sa unang distrito.

Matud sa COMELEC, ang listahan sa mga official candidates ma-finalize pa kini sa unang bahin ning tuiga 2019.

RadyoMaN Aimee Guinita

Facebook Comments

From Advertisers