Padayon matud pa karon ang bakakan sa pulitika sa nasud.
Sa interview sa RMN Malaybalay ngadto kang Political Analyst Professor Ramon Casiple gibutyag niini nga adunay gipahayag si Pangulong Rodrigo Duterte nga adunay nagplano nga ipapalagpot siya sa katungdanan, dungan niini, gi-akusahan usab ang pangulo sa mga kritiko nga magplanong usa ka diktador.
Matud ni Casiple nga walay nahitabong modus vivende kon informal agreement tali sa administrasyon ug oposisyon sa pulitika sa Pilipinas nga nagpasabot nga nagpadayon pa gihapon ang bakbakan sa pulitika bisan ug nahuman na ang eleksyon.
Samtang sa interview sa RMN gipahayag usab ni Political Analyst Atty. Antonio Soriano nga lahi ang administrasyon karon ni Pangulong Duterte kung ikumpara sa napalagpot nga mga pangulo nga sila si Marcos ug Estrada.
Matud ni Soriano nga kung sa panahon ni kanhi Pangulong Marcos adunay abuso nga nahitabo sa mga military ug sa panahon ni kanhi Pangulong Estrada usab adunay grabeng kurapsyon, karon sa panahon ni Pangulong Duterte wala matud pay pangabuso nga gihimo ang kasundaluhan ug wala usay nahitabo nga kurapsiyon.
Ang gibatong pasangil matud pa batok sa pangulo isyu pa sa pulitika ug bugtong isyu lamang karon sa administrayon ang extra-judicial killing.
Unsay imong ikasulti sa pulitika karon sa Pilipinas?
