Pulo ka mga tribu magapasakop sa kasadyahan cultural competition

179

ILOILO City – Pulo ka mga tribu ang magapasakop sa Fiesta Pilipinas ukon Kasadyahan Cultural Competiton.

Suno kay Kasadyahan festyival committee Chairman Dr. Eden Deriada ini ginalakipan sang Pintaflores Festival of San Carlos City kag Tribu Tinabuay sang Murcia lunsay gikan sa Negros Occidental; Tribu Banigan sang Libertad, Antique; Hubon Binagtong sang Manggahan Festival sang Nueva Valencia kag Hubon Mangunguma sang Manggahan Festival sang San Lorenzo, Guimaras; Tribu Ang Manughabol kang Salakayan sang Miag-ao, Tribu Pantat sang Zarraga, Tultugan Festival sang Maasin, kag Huban Haw-as of Dumangas, Iloilo.

Kadam-an sang mga tribu mga regular participants na sa kasadyahan kaangay sang defending champion nga Hubon BInagtong sang Manggahan kag Pinta Flores sang San Carlos City.

Suno kay Deriada makabig nga battle of champions ang kasadyahan bangud lunsay mga champion festivals sang mga lokalidad ang magapasakop.

Magasugod alas 8:00 sang aga ang kumpetisyon sa Enero 27 nga magalibot sa lima ka judging areas nga ginalakipan sang Pintaflores kag Kaing sa Iloilo Freedom Grandstand; Manughabol kag Banigan sa Iloilo Provincial Capitol; Tinabuay kag Hubon Binagtong sang Manggahan sa Mabini-Delgado; Pantat kag Tultugan sa Quezon-Ledesma; kag Hubon Haw-as kag Hubon Mangunguma sa Maria Clara./// Photo from web

Facebook Comments