Davao City – Naabswelto na si kanhi Davao City Vice Mayor Paolo “Pulong” Duterte ug Atty. Manases Carpio sa Ombudsman fact-finding bahin sa 6.4 billion shabu shipment sa customs.
Gidesisyonan kini sa special panel sa mga imbestigador sa Ombudsman human nga walay igong ebidensya ang alegasyon nga nalambigit sila sa maong shabu shipment.
Gani sa pakighinabi sa DXDC RMN Davao kang Atty. Ching Madrid, legal counsel ni Pulong Duterte, giingon niini nga tama lang ang pag abswelto kanila tungod walay igong basehan kun ebidensya ang maong alegasyon.
Dugang niya nga walay kamatuoran ang mga pasangil ni Senator Antonio Trillanes IV batok sa iyang mga kliente.
Ugaling og mureak si Trillanes, posibleng kasuhan nila kini og libel o defamation sa sige og pandaot nila Atty. Mans ug Pulong sumala ni Atty. Madrid.
RadyoMaN Renz Barbarona
