Ginapahalong sang Philippine Institute of Volcanology and Seismology (DOST-PHIVOLCS) ang mga residente sa palibot sang Mt. Kanlaon bangud sa pagdamo sang mga linog nga gaka-record sa bulkan.
Suno sa advisory sang PHIVOLCS subong nga gab-i, yara sa 28 ka mga volcanic earthquakes ang na-record umpisa Pebrero 11 tubtob 13, 2021.
“These earthquakes ranged in energy from ML0.7 to ML2.2 and occurred at shallow depths to depths of 10 kilometers across the northern to eastern portions of the edifice,” pahayag sang PHIVOLCS. Naka-record man sang average nga 1,130 tonnes/day sang sulfur dioxide gas emission sa summit crater subon adlaw sang Sabado.
Ini na ang pinakataas nga value nga na-record subong nga tuig kag amat amat nga nagasaka sumugod Hunyo 2020 nga nag-umpisa sa 300 tonnes/day.
Pahanumdom sang PHIVOLCS, mangin vigilante sa palibot sang bulkan kag likawan ang pagsulod sa four-kilometer Permanent Danger Zone sang Mt. Kanlaon.
Posible nga magluntad ang gulpiyada kag delikado nga phreatic eruptions nga wala sang ano man nga paandam ukon warning. Ginapalikaw man sang PHIVOLCS ang mga piloto sa paglabay sa babaw sang bulkan bangud delikado para sa mga aircraft ang phreatic eruption.
[image: image.png]
