Hey, brotha! Si Dj Maria Pikat napud ni alang sa atoang Monday habit — FOOD NA PUD! I am honored nga matagaan napud ko og kahigayonan para mupaambit kaninyo kabahin sa akoang mga kaalam na may kalabotan sa pagkaon.
For today’s episode, July 30, 2018, atoang hisgotan ang pungko-pungko. Mga piniritong pagkaon nga gikahinaman sa mga food lovers especially sa mga street food lovers ug katong mga nagtipid. Alang ni nimu brotha, bow, bruh, brad nga gustong dalhon imong amiga on a date. Yes, you heard me right. On. A. Date. Got it? Pa-impress niya uy kay basin siya diay imong forever!
As a girl, ganahan gyud me nga dalhon ninyo sa mga budget-friendly dates ug something nga mutabang nato og appreciate more sa atoang Cebuano culture. So karon akoang itudlo o ba kaha ipa-remind sa inyo ang mga:
1. Best Pungko-Pungko Sa Cebu (Where)
2. Bestseller Pungko-Pungko Food (What)
3. Table Etiquette Kung Mag Pungko-Pungko (How)
WHERE?
Usa sa mga sikat nga places alang sa mahiligon og pungko-pungko mao ang PUNGKO-PUNGKO SA FUENTE. Nahimutang kini unahan sa mag Hi-Precision Fuente ug tapad kini sa usa ka pension house. Here’s a map below for easier life.
Mura siya’g Larsian (BBQ place) peru pungko-pungko food lang ang gi-offer. Naa puy daghan duol sa may UV Main Campus, UC Main Campus, Gawas sa JY Square, Gawas sa SM City, Pardo, Capitol Site ug daghan pa. Bisag asa gyud ning pagkaona. Duol man sa mga eskwelan ug trabahoan.
WHAT?
Ang mga bestsellers mao ang GINABOT, NGOHIONG/LUMPIA UG KINUPUSAN. Honestly, di man gyud ni sila healthy peru for your date experience ug para ma-impress nimu ang babaye, dalha siya’g ingon ani bruh! For sure, kung di lang siya super arte like me (char!) mo-go gyud na siya.
Here are photos below sa nawong sa crispy kaayo nga ginabot ug sa lami kaayong suka nga naay daghang sibuyas. Paired with sawsawan gyud ni siya.
Actually, pag-andam lang og 100-200 pesos sa inyong date. Sulbad na hasta ang plete. Peru para nako pwede mo mag-coffee shop after for dessert. Maong andam lang og 200-300 pesos para sure kay medyo mantikaon baya inyong kaonon so better nga mag-sweets after. (Pawala sa bidli sama sa imong EX nga sige pang chat nimu. Ew! Aw. HAHA)
HOW?
Table Etiquettes kung magpungko-pungko man gane. Mao ni ang pipila ka dapat nimung hinumduman:
1. MAGKINAMOT. So para ma-impress imong girl nga imong ka-date, pagdala og alcohol/sanitizer ug apili nalang og tissue. Peru actually ang mga pungko-pungko kasagaran ani nila kay naay mga ingon ani. But you better be ready para sad ma-appreciate ka niya.
2. SHARE THE TABLE. Di baya ni sosyalan bruh. Pangmasa baya ni. So, pangita gyud og space nga bisan daghan mo og ka-share sa table kay komportable imong girl. Unya, show some politeness inig approach sa uban kauban ninyo sa table para ma-impress napud siya.
3. EAT FIRST, PAY LATER. Ang style man gud ani kay mubayad naka human kaon. So makita niya how honest ka ni Manong/Manang vendor. Di lang kay pa-impress niya peru maluoy sad tawn ka sa nanginabuhi. Kung mamakak ka ani, tabla ra’g namukong ka o nangawat!
There you have it mga bruh. Apilon pud nato ang mga sessyz nato dinha uy. Mao ni akoang suggestions ninyo. Hapit na ang Nutrition Month (July) matapos peru still remind lang ko nga dili ni health nga klase sa food kay gi-fry man siya. Tapos wala ta kahibaw kapila gamita og balik ang oil so maong hinayhinay lang. At least in a year, naa ba kaha moy at least 6 Pungko-Pungko dates!
Tinubdan sa ubang detalye mao ang www.sikwate.org. Ang mga photos nga gigamit niining maong article kay gikan sa web. (Sinulat ni Dj Maria Pikat)
