Gintiro patay ang isa ka Punong Barangay sa ciudad sang Dumaguete las 9:30 kagab-I (June 16) sang isa sa apat ka mga suspek nga nagasakay sa motorsiklo.
Ang biktima nakilala kay Harrison Kalubiran Gonzales, 52 anyos, punong barangay sang Brgy. Poblacion 1, Dumaguete City.
Suno sa imbestigasyon ang Dumaguete City Police Station, ang biktima nagapatigayon sang iya duty sa outpost upod ang iban pa nga mga barangay kagawad sang may apat ka mga lalaki nga nagasakay sa motorsiklo nga nagpalapit sa ila.
Pahayag sang pulis nga isa sa mga suspek ang nagtiro sa biktima kag naigo ini sa nagkalain-lain nga bahin sang iya lawas samtang ang mga suspek naman ang gilayon nga nagpalagyo.
Gindala pa sa Holy Child Hospital ang biktima apang ini ang gin-declare dead on arrival.
[image: image.png]
