Sa interbyu sa DXDC RMN Davao sa suspek nga si Allan Formentera, walay kamatuoran ang maong pasangil kaniya ug gipangwartahan lang daw kini sa inahan sa biktima.
Alang sa suspek, gipahid kini nga pasangil kaniya tungod dako na og utang ang pamilya kanila.
Saysay pa sa suspek nga dili niya kini mahimo tungod kay ang biktima iyahang pag-umangkon.
Matud pa sa suspek, sa higayon nga giingong kulatado ang biktima sa iyahang inahan mudagan kini sa ilahang panimalay.
Kagahapong adlawa, naabtan sa DXDC ang suspek gikan kini gipamedikal.
Segun ni Police Captain Aris Abenoja, Kaputian Sub Station Commander, pasado alas singko sa buntag Enero 20, 2023 gisilbi ang warrant of arrest sa kasong Acts of Lasciviousness batok sa suspek nga gipakanaog ni Judge Eloisa Maglana sa RTC 11th Judicial Region, Branch 4, Panabo City, Davao del Norte.
Mokantidad sa P180,000 ang girekomendar nga piyansa sa korte para sa temporaryong kagawasan niini.
Kahinumduman nga midangop sa DXDC RMN Davao ang inahan sa biktima aron magpatabang sa alegasyong pagmolestya sa suspek sa iyahang anak.
RadyoMaN Aimee Guinita
