Davao City – Suportado sa Brgy. Agdao Proper ang siyam ka pamilya nga naapektuhan sa lockdown sa Purok Salvacion, Brgy. Agdao Proper ning syudad sa Davao.
Sa interview sa DXDC RMN Davao kang Brgy. Agdao Proper Spokesperson Pedro Arthur Junsay, dunay giandam ang Barangay alang sa ilang pagkaon.
“Kaganina ang City Mayor nato sa Davao City nihatag pod og 100 packs nga isda gibahin-bahin pod namo didto lang pod sa Purok Kalipay ug Purok Salvacion. Kanang naka lockdown nga balay naa gyod mi food assistance nila sa ilang panginahanglanon kay di man sila kagawas,” segun ni Junsay.
Gidugang ni Junsay, gipailawom sa lockdown ang 9 ka pinuy-anan sa Purok Salvacion sa nasangpit nga Barangay human nga dunay laing nagpositibo sa COVID-19.
RadyoMan Don Pulayao
