Sa interview sa RMN Malaybalay ngadto kang Major Lemuel Bacaro, Acting Civil Military Operations (CMO) officer sa 8th Infantry “Dependable” Battalion (IB) sa Philippine Army, gibutyag niini nga padayon gihapon ilang ginalusad nga pursuit operation aron masumpo ang mga gakontra sa balaod.
Dugang pa niya nga parti usab sa planning sa ilang hugpo ang pagpadayon sa mga operasyon aron nga masumpo ang mga walhong grupong NPA.
Sigon usab ni Major Bacaro nga maglisud na sila pagmonitor sa mga mitahan nga mga kanhi miyembro sa NPA ilabi na og miule sa ilang tagsa-tagsa ka mga panimalay tungod kay lain-lain ang panglantaw sa matag usa.
Gikasayran nga usa sa mga gikatahong unom nga namissing atol sa engkwentro sa Barangay Can-ayan, unang mitahan sa mga militar adtong 2020 ug nahibal-an nga soble nga gasuporta sa walhong grupong NPA.
Pagklaro niya nga ubay-ubay ang mga government interventions kon mga programa alang sa mga mitahan nga kanhi miyembro sa NPA ilabi na og nagpabilin sa kampo sa militar.
