General Santos City—balhog na karon sa silda sa Police Station 1 ang usa ka suspetsadong pusher nga una nang nasikop sa gihimong buy-bust operation sa kapulisan sa area sa Sarangani Homes, Barangay San Isidro, Gensan.
Alas 2:30 ang takna kaganinang kabuntagon dihang gihimo ang operasyon nga miresulta sa pagkasikop sa suspek nga si Paulo Omalia, 27, residenti sa nasangpit nga lugar.
Nasayran nga usa ka pulis nga sakop sa Police Station 1 ang nagpakarong-ingnong poseur buyer diin unang sabot sa mga nahisgutan himuon ang transaksyon sa Purok Silway, Barangay West apan nausab ang desisyon sa suspek.
Inay sa silway, didto gihimo ang operasyon sa Sarangani Homes nga miresulta sa pagkasikop sa nahisgutan human kining napalitan ug (1) ka sachet sa gituohang shabu ug Marked Money nga kantidad ug P500.00.
