General Santos City–Takdang pasakaan ug kaso ang usa ka lalaki nga nasikop sa entrapment operation nga gipahigayon sa City Police Drug Enforcement Unit (CPDEU).
Giila ang suspek nga si Yul Brian Medalla Morrera “alias Benjack”, 22 anyos ug lumulupyo sa Purok 11, Lanton, Brgy. Apopong.
Nadakpan ang suspetsado Alas 12:30 sa tungang gabie sa Pioneer Avenue atbang sa Sydney Hotel sakop sa Barangay West.
Usa ka confidential informant sa kapulisan maoy niakto nga poseur buyer diin iyang napalitan ug usa ka sachet sa gituohang shabu ang suspek gamit ang P500.00 nga marked money.
Sa karon balhog ang nasangpit nga suspek sa silda sa Police Station 1 ug gina-andam na ang kasong pagsupak sa Sec 5, sa Article II sa RM 9165 kon Comprehensive Dangerous Drugs Act of 2002 batok sa suspetsado.(Synymer Carisma Obena)
