Davao City – Arestado sa kapolisan sa Tugbok pnp ang usa ka suspek sa pagpamaligya og iligal nga droga nga si Leomar Reyes Nabat alyas Dodong, 37 anyos nga taga-Purok 21 Salaroja Village Talomo ning siyudad.
Nasikop ang suspek sa gipahigayon nga drug buy bust operation sa kapolisan sa Tugbok sa pagpanguna ni PCI Paulino Zaulda Jr. gahapong adlawa bandang alas 12 sa kadlawon.
Positibong napalitan ang suspek og usa ka small plastic sachet nga gituohan nga dunay sulod nga shabu sa kantidad nga 500 pesos.
Atul sa pagka sikop sa suspek nakuhaan pa kini ug lain usa pa ka medium size nga sachet, mark money ug cellphone nga gigamit pang transact sa suspetsado.
Balhug na ang dinakapn sa Tugbok PNP ug pasakahan na kini sa paglapas sa kasong RA 9165 kun Comprehensive Dangerous Drugs Act of 2002.
RadyoMaN Paul Canono
