Maga pulis del Sta. Maria Police Station ya encabesa si Chief Insp. Arlan Delumpines ya aresta con el un antes med-rep durante el raid de droga na Sunrise, Guiwan enantes aga. Llevando con el warrant of arrest desde na corte, ya entra na casa el maga pulis di Dionysus Cabrera, 34, casao. Durante el raid el maga pulis ya recobri 7 paquete de shabu, Uzi machine pistol, KG9 submachine con maga bala y maga drug paraphernalia. Asegun con Delumpines ya tarda ya sila ta recivi informacion aserca con el mal actividad di Cabrera. Hasta por ultimo ya puede saca evidencia el maga pulis donde este ya usa rason para saca search warrant na corte. Con Cabrera ya detene na estacion del Sta. Maria pendiente el plantada del maga caso na corte encontra conele.
