Ipahigayon karong adlawa sa lalawigan sa Bukidnon ang Public Utility Vehicle Modernization Program caravan.
Sa interview sa RMN DXMB Malaybalay ngadto kang Regional Director Aminoden Guro, sa Land Transportation Franchising and Regulatory Board kon LTFRB Region 10 gibutyag niini nga himoon ang PUVMP caravan karong buntag.
Dinhi, ipasundayag ang mga modernize nga PUJ aron magustuhan sa mga operator tungod sa nakatakdang full implementation sa PUV modernization program sa sunod nga tuig.
Matud ni Director Guro nga alas 8:30 karong buntag anaa ang ilang grupo sa Provincial Capitol ning siyudad sa Malaybalay ug paghuman muadto usab sila sa Robinsons Place sa Valencia City aron ipadayon ang mao nga programa.
Ang mao nga aktibidad tibook adlaw aron mahatagan ug kahigayunan ang mga operator sa PUJ nga makapili ug masabtan ang PUV modernization program.
Alayon niini nanawagan si Director Guro sa mga Public Utility Jeepneys operator nga muadto sa caravan aron mapaklaro sa ilaha ang katuyuan sa mao nga modernization program.
Anaa matud pa ang mga resource speaker gikan sa DOTC, CDA,LBP, DBP, TESDA, LTO ug ang LTFRB.
