Davao City – Nagpadayon ang pagos-os sa ihap sa New People’s Army kini sumala pa sa militar.
Matud ni 701st Brigade Commander BGen Reuben Basiao nga timailhan niini mao ang padayon nga pagdaghan sa mga NPA surrenderees kinsa nibalik na sa sabakan sa gobyerno.
Sa pinakaulahing report ubos sa area sa 701st Brigade mokabat na sa 113 ka kanhi teroristang NPA ang nitahan sa militar.
Rason sa mga kanhi rebelde mao ang kalisod nga ilang nasinatian sa pagtago-tago didto sa kabukiran.
Sumala ni Basiao Ubos sa Comprehensive Local Integration Program (CLIP) sa gobyerno nidawat na og financial ug livelihood assistance ang 50 ka mga surrenderees.
Narekober usab sa kasundaluhan ang kapin usa ka gatos ka mga high powered ug low powered firearms ug 62 ka mga improvised explosive device.
RadyoMaN Aimee Guinita
