Kon may “mid-life” crisis nga gina-agyan ang mga may edad na, may “quarter-life” crisis man nga gina-agyan ang pila ka mga kabataan nga naga edad 20 tubtob 30 anyos ukon ang ginatawag nga mga millenials.
Ano bala ang “quarter-life” crisis?
Suno sa clinical psychology, ang “quarter-life” crisis amo ang tion sa diin mabatyagan sang mga kabataan nga “may kulang” sa ila kabuhi apesar sang maayo nga trabaho kag successful nga career.
Suno kay Dr. Cely Magpantay, gina-experience sang mga millenials ang “quarter-life” crisis bangod sa masako nga schedule. Masami pagkatapos sang masako nga adlaw, pagpauli sa balay, makabatyag ang young professionals sang “emptiness.”
Sang una, ang aton mga ginikanan gradual ang sucess sa kabuhi. Nalambot nila ang mga mataas nga posisyon kaangay sang CEO sa kumpaniya sa edad nga 30’s, 40’s ukon 50’s.
Sa tiempo subong, mas mahapos malambot sang millenials ang mga top posiitons sa kumpaniya. Sa edad nga 20 anyos may mga CEO na. Madasig ang success apang wala sang balance sa kabuhi. Sa sini nga sitwasyon suno sa doktor, posible makabatyag ang young professionals sang psychological backlog. Posible makabatyag sang burn out sa trabaho, may posibilidad nga mag breakdown kag ang mas malala, vulnerable sa mental illness kaangay sang depression nga nagalead sa tawo sang self harm.
Agud mallikawan ukon malampuwasan ini, mahimo nga makigbahin sa nagkalain-lain nga aktibidad. Mangita sang mga kalingawan ukon mag-umpisa sa pagpangita kon ano gid bala ang imo gusto nga himuon sa kabuhi.
Dapat suno sa doktor nga mabalanse ang expectations kag ang dapat mo nga himuon. Take things slowly.
Photo from web
