Davao City – Kapin 86 ka pamilya ang naapektuhan sa demolition operation sa Purok Sta. Lucia, Barangay Centro, Agdao, Davao City niadtong Marso 12, diin daghang kabalayan ang gipang-demolish, nga nagbilin sa mga residente nga nanginahanglan dayong tabang ug suporta.
Sa report sa kapulisan, personal nga nanguna si Acting City Director sa Davao City Police Office, Mannan C. Muarip, sa security monitoring sa lugar aron masiguro ang malinawon ug hapsay nga pagpatuman sa demolition, samtang giatiman usab ang kahimtang sa mga residenteng naapektuhan.
Dungan niini, sa koordinasyon sa City Social Welfare and Development Office, gipanghatagan ang matag pamilya og food packs nga naglangkob sa pito ka kilo nga bugas ug de-lata. Gipanghatagan usab og pagkaon ang mga kabataan isip dugang nga tabang ug pagpakita sa suporta sa kapulisan sa komunidad.
RadyoMaN Kareen Beltran
Facebook Comments
