Miariba ang pambato sa Pilipinas nga si Rabiya Mateo atol sa 69th Miss Universe National Costume show sa Seminole Hard Rock & Casino sa Hollywood, Florida kaganihang alas 8 sa buntag Manila time.
Usa kini ka ‘separate pre-pageant activity’ sa Miss Universe kung diin giingong dili kini apil sa overall scores sa 74 candidates.
Girampa ni Mateo ang Philippine Flag-inspired garb nga hinimo ni Rocky Gathercole.
‘No sweat’ ang gihimong navigation ni Rabiya sa Miss Universe stage apan mas nakailog og atensyon sa mga netizen nga daw adunay kulang sa iyang costume.
Wala kuno nasuot ang “missing masterpiece” nga gidala pa mismo ni Miss Universe Philippines national diector Shamcey Supsup sa Florida niadtong Martes.
Ang “missing piece” sa national costume hinimo sa crown /jewelry maker nga si Manny Halasan.
Dali sab mikatag sa Twitter ang usa ka picture nga daw sama sa costume ni Rabiya apan aduna kini headpiece.
Si Mateo ang pinakaunang Philippine candidate nga gipadala ilawom sa Miss Universe Philippines organization.
