Gipahayag sa Panggagamhanang Probinsyal sa Bukidnon nga constant ang ilang pagpahigayon ug random drug test sa mga empleyado sa kapitolyo probinsyal.
Kini ang gipahayag ni Atty. Nestor Cajes Jr., ang provincial administrator sa kapitolyo atol sa interview sa RMN Malaybalay human ang gipahigayon nga drug test alang sa mga elected officials sa probinsya gikan sa Governor hangtod sa Sanguniang Bayan member dili pa lamang dugay.
Samtang gidepensa usab ni Atty. Cajes nga ang mao nga direktiba ni Governor Jose Maria R. Zubiri ug gi-ingon nga dili kini pagpang-ipit ug dili personal sa mga opisyales kon dili gusto lamang ipakita niini nga seryoso sa PGB sa kampanya sa Administrasyong Duterte nga batukan ang illegal nga droga.
Dinhi usab makita kung ang mga opisyales hugot ba nga nagsuporta sa war on drugs ug mapakita ngadto sa ilang konstituwente nga limpiyo sila gikan sa illegal nga droga.
