General Santos City- Sikop ang usa ka Andres Escobal Acierto, legal age, minyo ug lumulupyo sa Purok Mahayahay, Barangay Cannery, Polomolok, South Cotabato sa gihimong operasyon sa mga kapulisan ilalum sa Manhunt Charlie sa Barangay Palkan, Polomolok, South Cotabato.
Ang maong operasyon gipangunahan nilang SP04 Lambino, SP04 Bagatila, SP01 Miranda, P03 Mano-op, P02 Paganato, ug uban pang kaubanan.
Nasikop ang suspek pinasikad sa Warrant of Arrest sa kasong lugos nga gipagula ni Hon. Judge Oscar P. Noel sa Branch 35 nga may Criminal case number 4392-15 ug walay gikarekomendar nga pyansa.
Si Acierto ang gikaingong top 12 kon rank 5 most wanted sa Polomolok. Sa kasamatangan balhog si Acierto sa Polomolok Municipal Police station ug commitment Order nalang ang gihuwat aron nga mabalhin na kini sa South Cotabato Provincial Jail. (Joan Gubalane GSA-Intern)
