ESCALANTE CITY – (2nd UPDATE) Patay ang rape suspect matapos natiruhan kagab-i sa ginpatigayon nga hot pursuit operation sang Escalante PNP kag Sagay PNP.
Natiruhan sang kapulisan si Jojit Miñoza, 30 anyus, residente sang Brgy. Balintawak, syudad sang Escalante.
Si Miñoza ang natiruhan matapos nga nag-gabot sang iya armas kag gin-taya naman sa mga arresting police officers, nga amu naman ang nagtulod sa mga otoridad nga tiruhon sya.
Ang suspek ang maka-pila ka beses nag-saylo-saylo sang lokasyon sa Escalante City tubtob nakalab-ot ini sa Sitio Balod, Brgy Himogaan, Sagay City.
Ini sya ang gina-tudlo nga suspek sa pagpanglugos kag pagpatay sa 21 anyus nga si Rena Pantallon.
Si Rena ang nasapwan nalang kahapon sang iya utod nga si Jason las 11:30 sang udto sa tunga sang kampo sa Sitio Liki, Barangay Balintawak sa diin dira man sila naga-istar. / Escalante City PS photo
