Davao City – Nasikop sa Baguio PNP ang usa ka lalaki nga dunay warrant of arrest alas 7:00 sa gabii human naglusad ang kapulisan og Major Anti-Criminality and Terrorist Clearing Operation ubos sa mando ni Police Senior Inspector Merlito Tubog didto sa Malagos Garden Resort sa Brgy. Malagos, Baguio District siyudad sa Davao.
Subay sa blotter sa Baguio PNP naila sa pangalan ang suspect nga usa ka Dondon Daman, 39 anyos, driver, nagpuyo sa Purok African Daisy, Brgy. Baguio Proper, Baguio District ning siyudad.
Ang suspect dunay kasong kalapasan sa Republic Act 8353 kun Anti-Rape Law nga giisyu ni Presiding Judge Lope Callo sa Regional Trial Court Branch 11 sa tuig 2005.
Ang suspect balhug na sa Baguio PNP.
RadyoMaN Don Pulayao
Facebook Comments
