Kalibo, Aklan — Hin-aga eon nga adlaw rong pagpahayag it Christmas tree ag iba pang dekorasyon sa Kalibo Pastrana Park.
Ray hay may tema nga “ Iwag it Kalibonhon para sa mahayag nga paea-abuton…”
Magiging dinapit nga bisita sa nasambit nga programa sanday Senator Risa Honteveros Baraquel ag DENR Secretary Roy Cimatu.
Kamana man imbitado man sanday Gov. Florencio Miraflores, Congressman Carlito Marquez ag ro ibang meyembro it Sangguniang Panlalawigan Aklan .
Pagapangunahan mat-a ni Mayor William Lachica ro pag ‘switching on’ it mga iwag kaibahan ro mga meyembro it Sangguniang Bayan it Kalibo.
Nasayuran nga bago pa man igapatigayon ron pagpahayag it Christmas tree hay igapatigayon anay rong turn-over ag inagurasyon it katatapos eamang nga covered court sa Pastrana Park.
Raya nga covered court hay ginpunduhan it 5 milyon halin sa Akbayan Partylist sa pagtinguha man ni SB Juris B. Surco.
