Davao City – Sa obserbasyon sa Gabriela Partylist, adunay mga biktima sa lugos nga mas gipili ang pagpakahilom kay sa pagpangita og hustisya sa nahitabo kanila.
Segun ni Congresswoman Emie De Jesus, sagad sa hinungdan sa pagpakahilom sa mga biktima sa lugos mao ang bationg ka-ulaw ug kahadlok kun social stigma dala sa kultura natong mga Pilipino.
Giklaro ni De Jesus nga mas labing maayo mutingog ug musumbong sa kasaligang mga tawo sama sa mga ginikanan, igsuon, ug suod nga higala kun unsay nahitabo kaniya o kanila.
Kay kun mahibaloan sa mga kabanay ug sa mga higala kung unsay nahitabo dali ra sila maalalayan sa pag-adto sa mga ahensiya nga makatabang sa paglutos ug pagsang-at og kaso batok sa suspek.
Gikinahanglan gayud mataral sa korte ang rape suspects aron mahatagan og hustisya ang babayeng gi-rape ug kini maangkon lamang kun andam musubay sa legal procedure ang mismong biktima.
Gidasig pa sa ni De Jesus ang mga biktima nga mupailawom usab sa counseling o bin ba kaha muduol sa simbahan nga makatabang sa pagpalig-on sa kaugalingon tungod sa dili maayong kasinatian sa kinabuhi.
RadyoMaN Joel Viray
