Nisaka pa sa 91% ang trust ug approval ratings ni President Rodrigo Duterte sa pinaka-ulahing survey sa Pulse Asia.
Sa survey nga gipahigayon ngadtong September 14-20, 91% ka mga pinoy ang aprubado sa performance ni President Duterte, 5% ang disapproved samtang 5% ang undecided.
Kung itandi sa ubang lider sa gobyerno, mugawas nga si President Duterte sad ang pinakagisaligan sa kadaghan, sa 91% nga trust rating.
Samtang si VP Leni Robredo nakakuha og 57% approval ug 50% trust ratings. Si Senate President Tito Sotto nakakuha og 84% approval ug 79% trust ratings, House Speaker Alan Peter Cayetano, 70% approval ug 67% trust, ug si Supreme Court Chief Justice Diosdado Peralta 44% approval ug 39% trust rating.
Facebook Comments
