Gisugdan na sa Commission on Elections o COMELEC ang pag-reshuffle sa ilang mga Comelec officials samtang magsugod na ang election period sa Enero 13.
Lakip sa gi-relieve sa ilang puwesto si Misamis Oriental Comelec Officer, Atty. Carlito Ravelo.
Sugod niadtong Enero tres si Ravelo mao na ang bag-ong Comelec Officer sa Camiguin Province puli ni Atty. Alile Ramirez.
Samtang si Ramirez, maoy puli ni Ravelo sa pagka Provincial Comelec officer sa Misamis Oriental.
Matud ni Atty. Renato Magbutay, Regional Director sa Comelec Region 10 nga ang relieve order sa mga Provincial Comelec officer, gipakanaog sa Commission en Banc niadto pang Disyembre 2018.
Apan matud ni Magbutay nga dili apektado sa re-shuffle si City Comelec Officer Ramil Acol.
“Wala pa man siya sukad maka-serve sa election sa Cagayan de Oro, mao nang dili pa siya (Acol) apektado sa among reshuffling” matud ni Magbutay.
Sa February 12 nga mao ang unang adlaw sa kampanya sa mga national candidates sama sa Senador ug Party list, si Magbutay, i-relieve sa Region 12.
Maoy puli ni Magbutay sa Region 10 si Atty. Wilfredo Valisado nga Comelec Regional Director sa Region 9.
Matud ni Magbutay nga mo-epekto ang relieve oder sa tanang Comelec officer sa June 12.
Gibutyag ni Magbutay nga human sa election period sa June 12, mobalik ang tanang relieve Comelec officials sa ilang na-andan nga mga puwesto.
