*Isa kuman an Surigao City sa mga syudad sa Pilipinas na nag organisar isab nan kaugalingon na Ready! Set !Go! Movement sanan nagpabati nan ila pag awhag kay Sec. Bong Go na modyagan para Senador sa umabotay na eleksyon sa 2019.Human an kainit sa panawagan sa iban na mga lugar sanan pipila ka grupo, malamposon isab ini naorganisar sa Surigao nan jadton milabay na Mayo 24,2018 diin natunong sa panagtigum sa mga kabataan, mga basketbolista bisan pa gani mga nanay na nag Zumba sanan gatosan na supporters ni Sec. Christopher Lawrence Bong Go an mientra.*
*Dungan isab sa paghatag nan dugang na kàlingawan sa pagpahigajon sa 1st International DragonBoat Summer Festival,an Ready! Set !GO!Movemènt tagsuportahan isab sa Surigao Basketball Academy,Vice Gov. Arturo Carlos Egay Jr.,sanan ni Mayor Ernesto Matugas pinaagi sa pagpahigajon nan “3 Pointer ng Bayan”,isa ka adbokasiya gamit an sports kontra droga,korapsyon sanan krimen. *
*Ini gipahigajon sa may Provl. Gym na giatenderan nan mga kabataan na gusto mahibayo sa sport na basketball sanan gitudloan nan mga hanas o professionàl na basketbolista gikan sa kaulohan.Nahimong mabibo isab an amo na paglunsad sa pagduyog nan mga nanay na nagzumba na nagsukbot pa nan tshirt na Ready Set Go.*
*Moabot isab sa 150 kabuok ka indibidwal an mientra sa paglusad sa BONG GO SURIGAO Movement diin isa ka motorcade an tag organisar pa nan Surigao SocMed- DDS Team an tagpahigajon libot sa syudad sanan nagtigom sa may Luneta Park.*
Tagpasalamatan isab ni Mr. Rosbert Gesta,Coach nan NEMCO sanan Camp Director nan Surigao Basketball Academy pinaagi na sa ila CEO Tonyboy Coro an amo na kalihokan ni Sec. Bong Go tungod kay gisaligan sila na mag organisar nan 3 point shootout sa mga kabataan.
Kahinumdoman na sa paghidangat isab ni PCOO Sec. Martin Andanar sa syudad isip pinasidunggang bisita sa Opening Program nan 1st International DragonBoat Summer Festival, ini mibutyag isab sa interview nan RMN DXRS na ija tagsuportahan an Ready Set Go Movement tungod sa adbokasiya nan ini na moalkontra sa droga korapsyon sanan krimen . Gawas pa nan ini,si Andanar isab inkilay-an na suod na higaya ni Sec. Go.
