Bolontaryong misurender kang City Councilor Zaldy Ocon ang usa lalaki nga nag-rebilde, sa barangay Malagana, Claveria, Misamis Oriental.
Ang misurender mao si Jaime Cawasan, 36 years old menyo nga taga-barangay Malagana.
Mahinumdoman, nga mga alas sais sa buntag niadtong Lunes dihang misurender si Cawasan kang Kon. Ocon sa barangay Apo sa kahoy, sa Claveria, hinungdan gi-turnover gilayon ni Ocon kang Police Master Sergeant Noel Oclarit ug mga kauban sa Criminal Investigation and Detection Group si Cawasan.
Atobangan ni Ocon ug Oclarit, gi-angkon ni Cawasan nga nag-rebilde siya dili batok sa gobyerno, apan tungod sa pag-ilog ni Mrs. Gertrudes Salvaleon sa ilang yuta sa barangay Malagana nga mokabat sa kapin 35 hiktaryas.
Matud ni Cawasan, nga ang ilang yuta nga kabilin sa ilang ginikanan, ilang giprenda sa Pamilya Salvaleon, sa kantidad nga kapin 300 thousand pesos.
Apan imbis ila nang lukaton, wala mosugot si Mrs. Salvaleon ug miingon pa nga kon ilang lukaton ang yuta pabayran ni Mrs. Salvaleon sa 2 million pesos.
Samtang……
Matud ni Cawasan nga kini ang hinongdan nga nag-rebilde siya ug iyang gisunog ang tractor sa Pamilya Salvaleon niadtong January 2, 2019.
Gipahayag ni Oclarit, nga kini ang rason nga si Cawasan adunay warrant of arrest tungod sa kasong Arson, human iyang gisunog ang tractor sa Pamilya Salvaleon.
Apan matud ni Mrs. Salvaleon nga dili tinood ang pasangil ni Cawasan batok kaniya, hinuon nag-sigi ug kuha ug kwarta kaniya hangtud nga ang ilang yuta dili na nila kaya lukaton human ilang gi-prenda kaniya.
Atol sa raid sa CIDG kagahapon sa kadlawon sa narangay Malagana, gi-accused ni Mrs. Salvaleon si Jaime Cawasan, nga maoy nagsumbong sa mga Police aron rundahon ang iyang balay didto sa maong barangay.
